Sa interview sa DXDC RMN Davao kang Police Lieutenant Evelyn Tidula, Public Information Officer sa Tagum City Police Station, kabsan sa kinabuhi ang usa ka Milagros Calumpang human kining mibangga sa nakaparadang truck sa nahisgutang lugar samtang nagmaneho sa iyang motorsiklo.
Sumala pa nga adunay mahitabong settlement tungod aduna matud pay kakulangon usab ang driver sa truck tungod wala kini warning device.
Nagpaabot og pahasubo ang kauban ni Calumpang sa buhat diin sa post pa ni Cross Aaron, magpabilin ang kaayo niini sa panahon sa iyang pagpanerbisyo isip leader sa iyang komunidad.
Sa komento usab sa anak niini nga si Michael Calumpang nga unta mamahimo kining leksyon sa tanan ilabi na ang pagbutang og reflector o early warning signs aron wala nay kinabuhi ang makalas pa.
RadyoMaN Ivy Parido
