Un 42-año de edad persona el ya muri despues le ya man “sandwhich” conel dos truck na Putik highway del Sabado aga.
Con el victima ya conose como si Luis Casimiro y Galvez, casao de Sitio Lumiyap, Divisoria.
Asegun na report del pulis banda alas 4:20 del aga si Casimiro ta maneha su motorsiclo tiene sidecar para na pueblo de llegar na Putik ya man bangga este con un truck que ta maneha si Antonio Floro y Sibuja, 50, de Calabasa, Curuan quien aquel tiempo ya para porcausa ya man sangit el maga alambre del telephone na techo del su truck.
Pero despues ya man bangga si Casimiro na atras parte del truck di Floro, tiene otro truck que ta maneha si Silvino Sensio y Duran, 54, del Alvarez Drive, Divisoria ya man bangga tambien conele y yan man guyut pa let pa adelante.
Si Casimiro ya sostene hondo irida na garganta y amo ya causa su muerte.
Ambos maga tsuper del truck ya queda bajo na imbestigacion.
