Pagadian City – Pipila ka oras nga na-stranded ang mga motorist kagahapong adlawa, gumikan sa landslide nga natigayon sa Barangay Poblacion, sakop sa lungsod sa Tigbao niining probinsya sa Zambaonga del Su.
Ang Department of Public Works and Highway (DPWH) maoy nipahigayon og clearing operation gamit ang mga ekwepo aron makuha ang yuta nga mibabag sa kalsada.
Ang dalan agianan sa mga sakyanan nga rota ang paingon sa Zambonga ug paingon sa dakbayan sa Pagadian.
Diha sa social media nga Facebook pipila sa mga pasahero sa mga bus nga posibleng lakip sa na-stranded ang nag-post nga giingong gilaay na pag-ayo sa sige og hulat.
Lakip sa nihatag og seguridad ang kapolisan sa lungsod ug kasundalohan.
Samtang gibaha usab ang pipila ka Barangay sa lungsod sa Kumalarang, gumikan sa walay puas nga pag-ulan.
