GENERAL SANTOS CITY- Gideklara nga dead on arrival sa Dr Jorge Royeca Hospital ang duha ka sakay og motorsiklo human mibangga sa likod nga bahin sa nakaparada nga fuso truck dropside sa purok 14, circumferential road atubangan sa bakanteng land area sa Pendatun, Barangay Apopong ning siyudad kagabie alas-9:40 ang takna.
Giila sa traffic management unit ang mga biktima nga silang Ian Mark Gulanday, 26 anyos, residente sa Prk. 1, Brgy. San Jose ning siyudad og drayber sa motorsiklo nga mitsukoshi ug ang angkas niining si Basirin Dasad, 34 anyos, residente sa Sitio Supo, Tboli, South Cotabato.
Dugang imbestigasyon sa TMU pinaagi ni Pssg Jose Marie Rebollos, gilawig sa mga biktima ang diversion road paingon sa brgy. Sinawal.
Nabangga sa motosiklo sa mga biktima ang likod nga bahin sa fuso truck nga gibyaan sa drayber og nakaparada gumikan kay nagub-an og makina.
Naka-diagonal matod pa ang position sa truck og gi-ukopa ang tibuok outer lane og gamayng portion sa inner lane.
Walay gibutang nga early warning device sa maong area nga gibilin sa truck dihang naabtan sa mga mirespondeng sakop sa TMU ang area nga ngitngit og walay suga.
Naangkon sa drayber ang pagkahupyak sa iyang nawong samtang may bun-og sa lawas ang angkas nga gidala sa ospital apan gideklarang patay ni Dr. Alimudin Panayaman.
Gikustodiya na karon sa tmu impounding area ang mga sakyanan nga nalambigit sa disgrasya.
For more info’s and updates, like and share our official facebook account : www.facebook.com/ifm91.9Gensanofficial/
[image: DISGRASYA.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
