Motorista-patay sa disgrasya

General Santos City—Patay sa disgrasya sa Malapatan, Sarangani Province ang usa ka Motorista human nga nabangga ang gimanihuan niini sa nakasugat nga motorsiklo usab sa Barangay Lun Masla, Malapatan, Sarangani province alas 6:30 ang takna kagabie.

Biktima giila lang ug Alyas Yanyan, 25 anyos, nga taga Malapatan.

Sumala pa nga gikan sa iyang trabaho ang biktima ug pauli na unta sa ilang panimalay apan walay swerte nga nabangga sa motorsiklong iyang nakasugat. Tungod sa dakong impact nakaangkon ug grabeng samad sa lawas ug sa ulo nga bahin ang biktima.


Gidala pa kini sa Dr. Jorge Royeca Hospital apan nakabsan gihapon kini sa iyang kinabuhi human sa pipila ka oras nga pakigharong sa baba sa kamatayon.

Gikaingong patay usab ang driver sa motorsiklong nakabangga niini kansa wala na nadala pa sa ospital.

Sa karon ang patayng lawas sa biktimang si Yanyan gikatakdang dad-on sa iyang pamilya sa ilang lugar didto sa Malapatan.

Facebook Comments