Maga pulis del Sinunuc Police Station yan inquest ya na fiscalia con un persona conquien ya puede confisca shabu na police y military checkpoint na Sitio Maasin Caragasan del dias pasao.
El pulis ya recomenda el maga caso de violacion del seccion 11 y 12 del RA 9165 contra con el suspechao conosido como si Kerwin Abdilla y Mohammad, 36, sapartao y ta queda na Tambucho, Caragasan, Maasin.
Con Abdilla ya aresta el maga pulis y soldao na checkpoint amediante yacomete este cuantos traffic violation, mientras muntando consu motorsiclo.
Perro cuando ya resquiza conele, elmaga otoridad ya recobri dos paquete shabu y cuantos paraphernalia.
Durante el inquest proceeding na fiscalia, si Abdilla ya goza con el 15 dia waiverpara el mas del investigacion del fiscal consu caso.
