Davao City – Magpasang-at karon og kasong unjust vexation ang IGACOS PNP batok sa motoristang nag-upload og video sa facebook nga nang-akusar og pulis diha sa ingong dili patas nga pagtratar sa mga adunay bayolasyon sa balaod trapiko.
Sa nag-viral nga video nga gi-upload ni Jonathan Velarde Navales, residente sa Purok 3-A, Sikatuna St. Tagum City gisikop kini human nga wala kini nag-helmet.
Sumala ni Navales sa iyang post nga bias ang pulis tungod kay wala niini dakpa ang lain pang malapason.
“Samal babak PO1 Millan sir bias mo naman nakiusap kami sa inyo ng maayos na hindi kami taga rito sa samal, inaamin namin na may kasalanan kami, masama lang loob namin, dahil may nahuli na kayo, walang license, walang rehistro at walang plate number ang motor, pero pumayag kayong hindi matikitan ang binigay lang barangay clearance at voters ID pinakawalan nyo samantala kami nakiusap kami ng maayos, sabi hindi pwede dahil trabaho nyo pero naging unfair kayo, helmet lang wala kami mga kompleto papel namin nakiusap kami dahil di kami sa taga samal para di na kami magbalik jan para tubusin mga license namin…,”
Giklaro ni PCI Milgrace Driz ang tigpamaba sa Police Regional Office XI nga ang giingong gipaikyas sa maong pulis nga si Alejandro Villiasor naisyuhan usab og TOP ug dili tinuod ang pasangil ni Navales.
Matud Driz nga adunay resistance ang maong motorist ug wala kini nagpa-isyu og TOP subay sa iyang violation sa RA 4136 busa gipasakay kini sa mobile aron dad-on didto sa istasyon sa kapulisan ug didto na husayon sa mga awtoridad.
Segun ni Driz nga wala nila gina-tolerate kung aduna man gyuy violation ang usa ka pulis ug wala kini nisubay sa police operational procedures apan nagtuo ang PRO XI nga gihimo lamang sa maong pulis ang iyang trabaho alang sa public safety.
Giawhag ni Driz ang publiko nga i-report gilayon ang mga pulis kinsa sa ilang lantaw nangabusar ug nakalapas na sa katungod sa katawhan.
RadyoMaN Aimee Guinita
