Baho pa na investigacion na Curuan Police Station el soseso de accidente vehicular donde ya sale muerto el un motorists na Calanasan, Quiniput ayer serca man mejodia.
El accidente ya resulta na muerte di Anthony Lucero y Tarroquin.
Asegun con el pulis encamino si Lucero para na Vitali donde ta sigi conele atras el Van Truck ta maneha si Pablo About Abo.
Pero asegun ya perde el guia y el preno del truck y yan sunggap con Lucero.
Ya derama insima con Lucero el maga carga del truck.
Dayun tambien ya lleva na hospital con el victima pero ya despidi este.
El tsuper del truck ya rendi na pulis y ambos el dos vehiculo yan impound na estacion del Curuan Police Station.
El caso baho pa na investigacion.–Dan Toribio
Facebook Comments
