Davao City – Patay ang usa ka motornapper human kini na corner sa kapulisan sa Digos City kaganinang kaadlawon.
Biktima naila nga si Jepoy Andas Tolondon alias Malungong, 18-anyos residente sa Malungon, Sarangani Province.
Sa report sa Digos PNP, gikawat sumala pa sa suspek ang motorsiklo nga gipanag-iyahan ni Jennel Cameros nga giparking sa usa ka mall sa lugar alas-1 ganinang kaadlawon.
Nasiplatan sumala pa ang suspek nga gibilin niini ang motor alas-2:55 sa kaadlawon sa Cabrillos Street, Brgy Zone II, Digos City ug armado kini. Rason nga gipahigayon ang hot pursuit operation ug sa dihang na corner kini sa Lapu- Lapu Street, Brgy Zone III, Digos City gipusil niini si PO3 Leodegario Oding rason nga mibalos ang awtoridad igo sa iyang li-og ug dughan nga bahin nga miresulta sa iyang kamatayon.
Na-rekober sa SOCO sa crime scene ang 1 unit sa homemade improvised 5.56 fire arm, mga basiyo sa armas ug ang susi sa motorsiklo.
Sa karon anaa na sa Angel Funeral homes sa Rizal Avenue, Brgy Zone III, Digos City patayng lawas sa nahisgutan.
RadyoMaN Kirby Manzon
