Davao City – Giaresto sa pulis ang usa ka motornapper human nabanggaan iyang sakyanan alas 10:13 sa buntag nahitabo didto sa R-Castillo St.siyudad sa Davao.
Sa report gikan Sta Ana PNP, suspek naila sa Mustafa Saidamen, 18 anyos nga taga Marawi City samtang ang nabanggaan niini mao si Police Officer 1 Mark Anthony Enderes, 29 anyos nga taga Gulf View Subdivision ning dakbayan sa Davao.
Subay sa blotter, samtang nagmaneho ang suspek sa kinawat niini nga motor ug padulong sa may Sasa iyang nabanggan ang tuong pultahan sa sakyanan sa naasoyng pulis.
Sa dihang gisita kini ni Enderes walay gipakitang ID ang suspek hinungdan gitawagan sa police ang contact number nga nakabutang sa OR/CR diin iyang nasayran nga gikawat diay niini ang maong motorsiklo nga sa karon giturn-over na sa kapolisan Sta Ana.
Una niini nasuta usab sa imbestigasyon nga nagpatubil pa ang suspek sa may R. Castillo apan wala kini mibayad.
Matod sa imbestigasyon sa kapulisan, nasuta nga gikawat sa suspek ang motor gawas sa Mosque niadtong Hunyo 15 nga gipanagiyahan ni Sowaib Saidali nga taga Purok 7 Magallanes Barangay 2-A ning dakbayan.
Subay niini nasuta sa kapulisan nga kining motornapper nagapangawat og motor sa syudad ug iyang ibaligya didto Marawi City.
Sa karon ang suspek balhug na sa San Pedro Pnp.
Radyoman Don Pulayao
