Motorsiklo ag tricycle nagsunggaban, 1 patay

Banga, Aklan – Sambilog rong patay matapos nga magsunggaban rong sangka motorsiklo ag tricycle kabii.
Nakilaea rong namatay kay Michael Sablaon, 36-anyos ag residente it barangay Cerrudo, Banga samtang rong driver it tricycle hay nakilaea kay Arnel Relator, 35-anyos ag residente it Brgy. Taba-ao sa nasambit nga banwa.
Base sa imbestigasyon it Banga PNP sa nasambit nga aksidente halin sa Brgy. Polocate si Sablaon ag nagapaadto it Poblacion tag masubeang si Relator.
Madasig rong pagpadaeagan ni Sablaon it motorsiklo nga gintinguhaan pang likawan ag nagpundo pero sumunggab gihapon ro motorsiklo.
Natabo raya sa parte it karsada nga ginaubra.
Insigida man nga gindaea sa Provincial Hospital rong biktima pero gindeklara nga dead on arrival it doctor bangud man sa grabeng lastro nga naagkon sa ueo kung sa siin gumwa gid ro anang utok.
Sa paghinakop man eon it Banga PNP si Relator matapos nga raya mag surrender.

Facebook Comments