Dipolog City – Nawagtang ang motorsiklo nga gipanag-iya sa usa ka 34 anyos kansa igo rang giparking sulod mismo sa ilang compound sa Purok. Malayan, Barangay Sta. Felomina dakbayan sa Dipolog.
Una nang midangop kagahapon ngadto sa Dipolog City Police Station ang tag-iya nga si Al Rey Bulanon, usa ka station agent sa kompanya sa eroplano lumulupyo sa susamang lugar.
Human gikawat matud pa sa wala mailang kawatan ang iyang motorsiklo nga usa ka Honda wave 100 kolor itom, plate no. JR 3886.
Subay sa sumbong niini sa kapolisan nga nianang sayo sa kagabhion iyang giparking sa sulod sa ilang compound ang iyang maong motorsiklo, apan alas 6:00 sa kabuntagon dihang sa iyang pagawas aron unta mu-duty sa trabaho, iyang namatikdan nga nawagtang na ang giparking nga motorsiklo.
Dali kining mireport sa kapolisan aron nga kini maimbistigahan, gisuwayan pagpangita ang iyang motorsiklo apan wala na makaplagi.
Sumala pa ni PO1 Nelvin Mangan ang investigator sa kaso nga kini pa ang unang natala sa ilang buhatan pagpangawat sa single motor ning tuig 2018 ug ila nang gi-flash alarm sa kasikbit nga buhatan sa kapolisan pamasin nga kini marekober.
