Dipolog City – Nidangop sa Dipolog City Police Station ang lain na sab nga biktima sa pagpangawat dihang nasayran ang gipanag-iya motorsiklo nahanaw sa giparkingan gawas sa panimalay niini didto sa South Proper, Barangay Galas dakbayan sa Dipolog pasado alas 2 sa nakalabay nga hapon.
Ang biktima mao si Ornel Abihay Galon, 45 anyos, minyo nga nagpuyo sa maong Barangay, nisaysay sa kapolisan nga matud pa giparking lang niini ang iyang Jiangmen Haojue motorcycle bearing plate number SC 4128 kolor itom atubangan sa panimalay.
Apan sa iyang paggawas nawala na ang iyang motorsiklo ug nagtuo kini gikawat sa wala mailang tawo.
Sa gihimo nga pagsubay sa kapolisan, wala sab nakabantay ang mga istambay sa lugar nga dunay pagpangawat nga nahitabo sa mao’ng dapit.
Padayun karon gihimo ang follow-up imbestigasyon sa kapolisan sa pagpangita sa maong motorsiklo.(r.m)
