KALIBO, AKLAN — Ninahan ro daywa ka mga sakay it motorsiklo matapos nga hinapit it delivery truck kahapon it hapon sa Brgy. Badiangan, Banga, Aklan.
Ro mga biktima hay nakilaea kanday Argie Zambrona, 24-anyos, driver it motorsiklo ag taga Brgy. Paningayan, Madalag ag Japhet Relano, 30-anyos, Security Guard, native it Kabankalan City, Negros Occidental ag temporaryo nga naga istar sa Brgy. Andagao, Kalibo.
Suno kay PO2 Alex Nabor it Banga PNP nga natabo rong aksidente samtang rayang mga biktima sakay in motorsiklo paadto it Brgy. Torralba, pag-abot sa may kurbada nga parte it karsada sa Brgy. Badiangan sanda ra hay hinapit it delivery truck nga ginamaneho ni Jay dela Cruz, 29-anyos (uwa nakabutang sa blotter ro address).
Ro mga biktima hay nakaangkon it lastro wa waea nga batiis ag iba pang parte it eawas nga padayon makaron ginabueong sa Aklan Provincial Hospital.
Samtang rong driver it delivery truck hay gin release mat a it Banga PNP matapos nga nag promisa raya ag nakipag istorya sa pamilya nga magabulig sa mga gastoson it mga biktima.
Impounded sa Banga PNP rong delivery truck.
