Motorsiklo na-haybol, angkas patay, na-areglo na

Davao City – Nagkasinabot na ang pamilya sa driver sa single motorcycle ug ang pamilya sa angkas niini nga si alyas “Cowboy”, 40 anyos nga maoy nakabsan sa kinabuhi atol sa disgrasya human nasemplang ang motorsiklo nga ilang gisakyan nahitabo niadtong milabay’ng gabii alas 11:20 ang takna sa may dalang Leon Garcia, Agdao, Davao City.

Sa report gikan sa Sta Ana Police Station pinaagi sa Traffic Investigator human nahinabi sa DXDC News Team nagka-areglo na ang matag kampo.

Sa imbestigasyon sa kapulisan nasayran ang driver sa maong motorsiklo nailang Ryan Pascual Malangit, taga Prk. Lumboy, Brgy. Mankilam, Tagum City, Davao Del Norte diin kauban ra niya sa trabaho ang pasahero nga namatay og taga Malita, Davao Occidental, pulos mga trabahante sa Davao Basic Steel Industries Inc. nga nahimutang sa Km. 5 Buhangin Road, ning syudad.

Kahinumduman naglawig ang duha gikan sa Sta. Ana Avenue paingon sa Leon Garcia ug milahos ang motorsiklo sa gutter sa center island sa may Agdao Flyover. Tungod sa kakusog sa impact sa pagbangga sa motor, nalagpot ang duha paingon sa poste sa kuryente hinungdan nga nakabsan sa kinabuhi ang pasahero.

RadyoMaN Don Pulayao