Patay ang amay kag kritikal ang iya bata matapos maaksidente ang ila ginasakyan nga motorsiklo sa barangay Tambal sa banwa sang Janiuay mga alas 7 kagab-i (Mayo 16).
Dead on arrival sa ospital ang amay nga si Alejandro Loreto samtang kritikal nga ginabulong sa Western Visayas Medical Center ang bata sini nga si Sonny Loreto, driver sang motorsiklo.
Ginpahayag ni Police Corporal Pio Estampador sang Janiuay PNP nga nagapapuli na ang mag-amay apang pag-abot sa barangay Tambal, Janiuay, kon sa diin mabudlay ang dalan, nadulaan sang kontrol sa manibela ang driver bangud sa kadasig sang ila dalagan.
Bangud sini, naglupad ang motorsiklo kag bumunggo sa konkreto nga poste sang gate kag nahulog pa sila sa kanal.
Gindala sa Janiuay District hospital ang mga bikitma apang gindeklarar nga DOA ang amay bangud sa internal hemorrhage samtang ginsaylo sa WVMC ang bata sini bangud sa pilas sa ulo.
