Motorsiklo, nahulog sa gutter sa siyudad sang Passi, biktima , lipong sang gindala sa ospital.

Nakaagum sang pilas sa ulo kag lipong gid ang isa ka lalaki matapos mahulog sa gutter ang iya ginasakyan nga motorsiklo sa barangay Bayan, Passi City mga alas 7:20 subong lamang nga gab-i.

Ginkilala ang biktima nga si Jesus Villanueva Jr, sang barangay Gemumua-Agahon , Passi City.

Ginapahayag nga madasig ang dalagan sang biktima sa highway sang nasambit nga barangay sang mahulog sa gutter ang iya motorsiklo.

Gilayon naman nga nagresponder ang mga katapo sang Bureau of Fire Protection sa Passi City kag ginhatagan sang first Aid ang biktima antis gindala sa ospital.