Koronadal City – Nangayo og pakitabang ang usa ka government employee human gikawat matod pa ang iyahang motorsiklo nga nakaparada sa parking area sa Dr. Arthuro Pingoy Medical Center sa Koronadal City.
Giila ang biktima sa maong insidente na si Rolan Galacgac Blabago, 48 anyos, minyo, residente sa Prk. Magsaysay, Brgy. Rotonda sa maong siyudad og tag-iya sa gray na Honda RS 125.
Nasuta sa imbestigasyon sa Korondal City Police Station, alas-9 sa buntag niaging Oktubre 15 giparada sa biktima ang iyahang motorsiklo sa parking area sa ospital dayon misulod aron bantayan ang anak nga naka-confine.
Alas-6 sa buntag Oktubre 16 nadiskobrehan sa biktima nga nawagtang na ang iyahang motorsiklo sa lugar nga kini giparada.
Dugang imbestigasyon sa kapolisan, adunay security guard nga naka-duty gikan alas-6 sa buntag hangtud alas-6 sa gabie.
Hayag usab ang parking area apan walay nakaplastar na CCTV camera aron mag-monitor sa unsa mang aktibidad sa area.
Sa karon, naka-flashed alarm na ang motorsiklo alang sa posibleng pag-recover niini og pagkasikop usab sa suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: Pingoy Hospital.jpg]
