New Washington, Aklan – Patay rong driver it motorsiklo matapos nga sumunggab sa ginasundang tricycle nga gulpi lumiko kabii sa Brgy. Tambak, New Washington, Aklan.
Rong driver it motorsiklo nakilaea kay Enrique Barko Gualberto Jr., 27-anyos, helper, residente it Binanogan, Valderama, Antique ag temporaryo nga naga uli sa Brgy.Andagao, Kalibo samtang rong driver it tricycle nakilaea kay Cherry Malonosan Iliserio, 37-anyos ag residente it Brgy. Tambak, New Washington.
Sa imbestigasyon it New Washington PNP naga guwa nga rayang daywang ka mga behikulo hay halin sa direksyon it Poblacion New Wash ag parehong nagabiyahe sa direksyon pa Kalibo apang pag-abot sa natabuan kong insidente hay gulpi nga lumiko patabok sa karasada rong tricycle nga uwa mag gamit it signal light dahilan para sumunggab ro naga sunod nga motorsiklo.
Matapos rong aksidente hay madasig man nga nag responde rong MDRRMO it New Washington ag Kalibo ag gindaea rong mga biktima sa Aklan Provincial Hospital.
Si Gualberto hay ginbawian it anang kabuhi samtang ginabueong bangud sa fatal nga lastro samtang si Iliserio hay nagapabilin nga confined.
Nasayuran nga rayang si Iliserio hay naka inum tag matabo rong aksidente.
