Numancia, Aklan—Patay rong sangka eaeaki matapos nga sumunggab ro ginamanehong motorsiklo sa tricycle kabii sa Brgy. Camanci Norte, Numancia, Aklan.
Nakilaea rong biktima kay Albert Bechayda, sa hustong edad, samtang rong tricycle hay gina maneho man it 16-anyos nga binatilyo tanan residente it nasambit nga barangay.
Nakaangkon it fatal nga lastro rong biktima sa ueo nga gintunaan it anang kamatayon.
Sa imbestigasyon it Numancia PNP nga natabo rong aksidente dahil madasig rong pagpadaeagan it biktima ko anang motorsiklo ag naoberbahan nga hilong.
Nahadaea pa si Bechayda sa hospital ko mga nag respondeng pulis ugaling gin deklara raya nga dead on arrival.
Sa paghinakop eon man it Numancia MPS rong driver it tricycle para sa nagakaigo nga disposisyon.
