General Santos City—Usa ang patay samtang usa ang angol sa nahitabong pagsungag sa Motorsiklo ug jeep sa national Highway sakop sa Barangay Baluan sa nakalabayng adlaw.
Giila ang namatay nga si Gregorio Telio, residenti sa dakbayan sa Gensan kansa driver sa motorsiklo, samtang ang angol giilang si Jerry Arguelles, legal age, residenti gihapon sa Gensan.
Sa report sa Traffic Management Unit nasuta nga padulong sa Gensan ang Motorsiklo samtang ang jeep nga gimanihuan ni Gonzalo Balungag ang padulong sa Barangay Buayan apan gilikayan niini ang iyang gisundang van mao nga nahidangat kini sa pikas nga lane nga miresulta sa pagbangga niini sa nakasugat nga motorsiklo nga hinungdan sa kamatayon sa biktimang si Tilio ug gikaangol sa back rider niining si Arguelles.
Kasong reckless imprudence resulting to Homicide, damage to property ug physical injury ang gikatakdang atubangon sa suspetsadong si Balungag.
