Pagadian City – Kritikal ang magtiayon human nabanga sa pampasaheroang bus ang gisakyan niini nga motorsiklo alas 7:00 kaganihang buntag dihang dapita National Highway duol sa Junction sa Brgy. Balintawak ning syudad sa Pagadian.
Sa imbestigasyon sa Pagadian City PNP Traffic Division samtang gimaneho ni Samuel Yamaco ang Rural Transit Bus nga nagtangag sa plaka numero KWA 570 aksidente nasungag ang gikasugat nga Rusi nga motorsiklo nga nagtangag sa plaka numero JA-33715 nga gimaneho ni Antonio Villanueva diin sakay usab ang iyang misis nga si Margie Villanueva ug lain pang backrider nga nailang si Marita Labutay pulos lumulupyo sa Tigbao, Zamboanga del Sur.
Gumikan sa kakusog sa impak nalabay daplin sa kalsada ang mga sakay sa motorsiklo samtang nagbuy-od usab sa tunga sa kalsada ang driver.
Kasamtangan nga gapa-alim sa ospital ang mga sakay sa sigle motor human nakahi-agum og daghanang samad sa lawas.
