Pagadian City – Duha ang patay human nagsungag ang fish carrier ug motorsiklo alas 9:30 niadtong nakalabay nga gabii didtong dapita sa Diversion Road sakop sa Brgy. Banale ning syudad sa Pagadian.
Sa imbestigasyon sa City PNP Traffic Divison nasayran nga samtang nagdagan ang Fish Carrier nga nagtangag sa plaka numero 090110, nga gimaneho ni Ben Ochagavia, 38 anyos residente sa Sta. Cruz, Kapatagan, Lanao del Norte aksidente nga nisaliring ug nilikoy sa linya sa kalsada ang kasugat nga Honda CB rason nga nabangaan kini sa Fish Carrier.
Gumikan sa hitabo patay ang mga sakay sa single motor nga sila si Jemart Navaja, 18 anyos, taga Tiguma ning dakbayan ug backrider nga nailang si Jun-Jun Cortez, lumulupyo sa taga Sibutad, Zamboanga del Norte.
Sa interview sa RMN Pagadian ngadto sa driver sa Fish Carrrier nangayo kini ug pasaylo sa mga pamilya sa namatay kay dili niya intsnsyon nga bangaan ang duha.
