Davao City – Narekober sa kapolisan sa Sta. Ana ang usa ka CB 110 Honda single motorcycle nga dunay plate number LA 22068 human gikawat sa usa ka grupo sa mga batan-on sa Roxas Avenue, siyudad sa Davao. Complainant si Dennis Cajilog, 44 anyos, samtang ang usa sa mga dinakpan naila nga si Rogelio Arriba, 19 anyos, nagpuyo sa Brgy. 32-D Jacinto, Davao City.
Base sa report ala 1:12 sa kaadlawon, midangop si Cajilog sa mga nagrondang kapolisan nga membro sa Sta. Ana Police Station aron i-reklamo ang iyang motorsiklo nga matud pa gikawat.
Sa ilang pagpanubay dunay nakakita nga gidala kini sa lima ka mga tawo apil na ang suspetsado sa may J.P.Laurel Avenue ning dakbayan.
Nakita sa kapolisan nga gitulak ang motor kay nahutdan sa gasoline apan sa dihang giduol daling nanibat ang upat apan ang usa nadakpan.
Ang suspect gitakdang pasakaan og kaso.
RadyoMaN Paul Canono
