Gituohang notorious nga mga climbers ang mga mountaineers nga nadakpan adtong milabayng semana nga illegal nga misaka sa Kitanglad Peak.
Kini ang gikabutyag ni Virgilino Alima, Provincial Officer sa Provincial Environment and Natural Resources Office (PENRO)-Bukidnon atol sa interview sa RMN DXMB Malaybalay.
Sumala ni Alima nga walay permit gikan sa buhatan ang mga mountaineers maong gidakop sa mga otoridad.
Miabot sa 26 ka mga illegal mountaineers ang nadakpan adtong milabayng semana gumikan sa pagsaka sa Mt. Kitanglad Range nga walay permiso ang kinsa pulos taga Luzon ang temporaryong gidetinar sa Impasug-ong Municipal Police Station.
Gidugang ni Alima nga ilado na kining mga tawhana pagkatkat sa mga bukid nga walay permiso ilabi na sa Mt. Kitanglad nga gidid-an pa ang mga climbing activities sa panahon sa pandemya.
Mag-atubang og P100,000 nga penalty ang mga nadakpang mountaineers o pagkapriso sa usa hangtud lima ka tuig kong mapamatud-an nga guilty subay sa RA 8978 kon ang Mt. Kitanglad Range Protected Area Act of 2000.
