Davao City – Gideklarang mananaug kun winning couple sila Mr. Miguel ug Mrs. Grace Hubay sa nagmalampusong Grand Finale Night sa ‘Kasama What’s Your Story?’ Year 4 kagahapong adlawa, Pebrero 27, 2020 sa usa ka hotel sa Rizal Street, Davao City.
Uban ang entero pwersa sa DXDC RMN Davao gipangulohan mismo ni Ptr. Leobardo Daugdaug, station manager sa sibyaanan ang seremonya o ang ‘renewal of vows’ sa tulo ka mga couples nga sila Mr. Marcial & Mrs. Alchie Dumagonot, Mr. Jordan & Mrs. Cres Beji ug Mr. Miguel & Mrs. Grace Hubay.
Wala nagdahum sila Mr. ug Mrs. Hubay nga sila ang midaug diin dako ang ilang pagpasalamat sa RMN Davao diin numero uno usab kining nagapaminaw sa mga programa sa sibyaanan.
Ang three couples, nakadawat og cash prizes ug free accommodation Aurora’s Garden Samal. Gawas niini, i-feature usab kun hatagan og kinabuhi ang ilang love stories sa dramang ‘Handumanan sa Usa ka Awit’ nga madungog sa Marso 9, 10 ug 11 sa DXDC 621 RMN Davao.
RadyoMaN Kirby Manzon
