Magpapatupad ng adjusted schedule ang Metro Rail Transit Line 3 (MRT-3) ngayong holiday season.
Sa Bisperas ng Pasko at Bisperas ng Bagong Taon (December 24 at December 31), ang huling biyahe mula North Avenue ay 7:45 PM, habang 8:23 PM naman ang huling biyahe mula Taft Avenue Station.
Mananatili naman ang normal revenue hours para sa unang biyahe: 4:30 AM mula North Avenue at 5:05 AM mula Taft Avenue Station.
Para naman sa Pasko at Bagong Taon (December 25 at January 1), magsisimula ang biyahe mula North Avenue at Taft Avenue Station ng 6:30 AM.
Ang huling biyahe ay aalis ng 10:30 PM mula North Avenue, habang 11:19 PM naman mula Taft Avenue Station.
Samantala, mananatiling normal ang operasyon ng MRT-3 mula December 26 hanggang 30, 2025, at muli itong babalik sa regular na iskedyul simula January 2, 2026.
