MRT, LRT at PNR, nagpatupad na ng tigil-operasyon dahil sa bagyong Rolly

Nagsuspinde na ng kanilang operasyon ang Metro Rail Transit-3, Light Rail Transit-2 at LRT Line 1 sa harap ng pananalasa ng Super Typhoon Rolly.

Anumang oras ngayong araw, inaasahang magdedeklara rin ng suspensyon ng biyahe ang Philippine National Railway (PNR).

Pero tiniyak ng Department of Transportation, na ia-accommodate nila ang natitirang mga pasahero at empleyado bago sila magpatupad ng tigil-operasyon.