Roxas City, Capiz – Nagpaathag ang pamunoan sang Metro Roxas Water District(MRWD) may kaangtanan sa nangin problema sa low-pressure tubtob kadulaan sang supply sang tubig nga nabatyagan sa pila ka mga lugar sa Roxas City sang nagligad nga inadlaw.
Ginpahayag ni Mr Mark Bernas, Information Officer sang MRWD nga basi sa ila nga ginpatigayon nga kaugalingon nga imbestigasyon, nag-angkon sang pagpalya sa ila pasilidad partikular ang submersible pump kun sa diin nagkaproblema kabangdanan sang mahina nga supply sang tubig.
Suno diri nga sang tuig-2019 pa, nakapatigayon na sila sang procurement kag bidding process agud nga mabayluhan ang mga depektibo nga pumps apang bangud sang COVID 19 pandemic, naapektohan ang proseso sang pagbakal kag delivery.
