Report ni: Jennifer Palomo Debaja
Nasaksihan sang mga residente sa palibot sang Mt. Etna ang pagbuga sang madamol kag maitom nga aso mga takna alas 8:50 Lunes sang aga, Disyembre 24, 2018 (ang Pilipinas abanse sang 7 ka oras sa Italy).
Ang Mt. Etna ang pinakamataas kag pinakaaktibo nga bulkan sa Europa nga may kataason nga 10,900 feet (3,330 meters).
Suno sa Istituto Nazionale di Geofisica e Vulcanologia di Catania (Institute oIf Geophysics and Volcanology of Catania), kasunod sa paglupok sang bulkan, nabatyagan man ang seismic swarm kag may record sang 130 ka mga pagtay og sa sulod sang tatlo ka oras nga may yara magnitude nga 4.0.
May dalum nga 1km ang epicenter sang linog halin sa summit crater sang bulkan. Nakita man ang flow sang lava sa Southeastern nga parte sang bulkan nga gintunaan sa pagbilog sang ash cloud.
Ginabanta masobra 1,000 ka mga Pilipino ang yara sa probinsya sang Catania.
Apisar naalarma ang Catania sa mga sunod-sunod nga pagtay og, ginpahayag ni Leni Pagiligan, Filcom leader sa Catania nga wala pa sang kabalak an sa sitwasyon tungod wala sang nagtupa nga ash flow.
Dugang pa ni Pagiligan, nabatyagan na ang intense nga activity sang bulkan sang nagligad nga mga inadlaw “Parang may spettacolo (show), parang nagsho-show. Parang gabi-gabi ganyan naman.”
Samtang padayon pa ang monitoring sa aktibidad sang bulkan apang ginpa idalom na sang Department of Civil Protection sa yellow alert ang bulkan.
