Davao City – Mibuto na ang bulkang Mayon tungod kay aktibo siya nga bulkan sa Pilipinas pinaagi sa pagbuga og lava.
Sumala ni Philippine Institute of Volcanology and Seismology (PHIVOLCS-XI) Science Research Specialist Janila Deocampo, posibleng moabot pa sa Level 4 hangtod 5 ang gipatumang alert level.
Matud ni Deocampo, lahi kung itandi sa Mt. Pinatubo ang pagbuto sa Mt. Mayon tungod kay naghatud kini og dakong damyos, di sama sa Mt. Mayon karon.
Samtang giklaro usab ni Deocampo walay dalang dautang senyales ang mga nagapanghitabo karon sa kalibutan sama sa kalamidad ug pagbuto sa bulkang Mayon.
Matud ni Deocampo, kabahin gihapon kini sa giingong natural process.
Gipasabot pa ni Deocampo nga ang pagdeklara og ‘permanent danger zone’ nagpasabot nga walay gitugotang magpuyo sa maong lugar kay mamatay gayud ilabina nga nibuto na ang bulkan.
Gisulti ni Deocampo nga ang gideklarang ‘permanent danger zone’ adunay unom ka kilometros nga sukod gikan sa tumoy sa bulkan, buot pasabot ginapapahawa ang buot mopuyo sa maong dapit.
Gitataw pa ni Deocampo, dunay halapad nga distroso ang mahitabo kung ang mga tawo magpabiling gahi ang ulo ug dili dayon motuman sa mga pahimangno sa mga ahensya sa gobyerno isip kabahin sa pagpangandam aron makalingkawas sa dakong damyos.
RadyoMaN Bernard Pantallon
