Padayon ang pag monitor sa gobyerno ngatdo sa bulkang Mayon nga sa pagkakarong padayong nagabuga og lava diin hingpit nga mibakwit ang mga residente nga nakapuyo haduol dinhi.
Sa usa ka press briefing, giingon ni National Disaster Risk Reduction Management Council Spokesperson Romina Marasigan, naapektohan ang kapin 25 ka mga barangay sa munisipalidad sa Malilipot, Daraga, Guinobatan ug syudad sa Camalig, Ligao City, ug Tabaco City.
Atol sa maong mga lugar kapin 5 mil ka mga pamilya ang naapektuhan niini nga adunay kapin 21 mil ka mga indibidwal.
Sa pagkakaron nagpabilin sa 18 ka mga evacuation centers ang maong mga residente ug tungod niini adunay pipila ka mga klase ang gisuspenso usa.
Dugang ni Romina, base sa PhiVolcs Mayon Volcano Bulletin, nakasinati og 9 ka higayon nga tremor kon paglinog, lava fountain ug 75 ka lava collapse events, aduna usab mga bato nga nanghaulog gikan sa maong bulkan gumikan sa sobra ka init niini.
Gipaniguro ni Marasigan nga mitabang na ang mga ahensya sa gobyerno alang sa mga panginahanglanon ngadto sa mga pamilya nga naapektohan sa maong volcanic eruption.
RadyoMaN Abi Bibera
