Un 37-año edad persona ya muri despues ya empesa conele sopla de tajo el su enemigo na Sitio Buggok, Rio Hondo del Miercoles por la tarde.
El victima amo si Ronald Del Rosario Jadjula, de Mariki.
Si Jadjula ya sostene cuantos irida de tajo na su cuerpo amo ya causa su muerte.
El maga pulis ya nombra con el suspechao como si untal Ras quien ya escapa despues del incidente.
Asegun na reprt del pulis ya anda si Jadjula na Sitio Buggok Rio Hondo donde ya tene este purpiajan entre pate si Ras.
Pero amediante del diila discucion, derepente ya lang si Ras ya tahya que tahya con Jadjula despues ya escapa este.
Facebook Comments
