Muher victima de tiro

El maga pulis del Sangali Police Station ta prepara el propio caso que ay planta na corte contra con el un persona quien ya sopla de tiro con el un duenio del un tienda na Zone 2, Bunguiao del Martes por la noche.
Con el suspechao quien este maga tiempo ta esta largao ya conose como si Jonathan Francisco del mismo lugar mientras el victima amo si Elizabeth Anastacio Pedro, 48 anio de edad de Zone 2, Bunguiao.
Asegun con el hefe del Sangali Police Station si Captain Albert Alfaro, ya rabia si Francisco con Pedro despues noquiere mas este dale presta epecto de tienda porcausa largo ya el lista deste.
Alas 7 del noche cuando derepente ya llega si Francisco ya tienda di Pedro y armao este de pusil y ya tira conele na bariga.
Si Francisco ya escapa mientras con Pedro ya lleva na hospital.
Asegun con Alfaro masquin esta largao si Francisco ay puede siempre man file el caso hasta sale el disuyu warrant of arrest.