Mujer muerto na accidente vejicular

Un mujer muerto mientras su compañero irido despues el diila motorsiclo yan bangaan y el un vejiculo ta maneja el un pulis na crosada del Sta. Maria enantes madrogada.
Con el muerto ya conose como si Cristalline Faye Rabuya y Duran, 26, de Tetuan mientras el irido amo si Ricojay Alejandro y Ferrer de Tumaga.
El motorsiclo que ta munta canda Rabuya y Alejandro ya man bangaan y el un Ford Ranger ta maneja si PO1 Dave Ordoñez y Dagalea, designao na Sangali.
Asegun na reprt del pulis, si Ordoñez encamino para na pueblo estaba na Pasonanca cuando ya llega na crosada del Sta. Maria ya man bangga con el motorsiclo ta maneja si Alejandro y ancas si Rabuya.
Ya man calawisig sila na motorsiclo y dayun tambien ya lleva canila na hospital pero si Rabuya ya despidi.
Con Ordoñez ya pone bajo na imbestigacion mientras ambos vejiculo ya recoji na estacion del pulis.