Sa abiso ng Pride PH, magsisimula ang event alas-4 ng hapon at tatagal hanggang alas-8 ng gabi.
Anila, nais ng grupo na tapusin ang buwan na dala ang mas pinalakas na puwersa sa paggiit ng kanilang karapatan.
Imbitado ang mga miyembro ng LGBTQIA+ community katuwang ang mga partner organizations.
Nagpapasalamat naman ang Pride PH sa mga sumusuporta sa komunidad sa paglaban para makamit ang pantay na karapatan.
Matatandaang maagang tinapos ang Love Laban 2 Everyone o Pride PH Festival noong June 22 sa Quezon City Memorial Circle dahil sa malakas na pag-ulan.
Samantala, magsasagawa rin ngayong Linggo ng Pride picnic at film showing sa Rizal Park na inorganisa naman ng Metro Manila Pride.
Facebook Comments
