Lunsay ginpangdala sa Western Visayas Medical center ang 11 tanan ka sakay sang multicab lakip na ang driver matapos makabunggo sa poste sa barangay Mambog, Oton, Iloilo pasado alas 3 kahapon sang hapon.
Halin sa barangay Cataan, San Joaquin, Iloilo ang mga biktima kag padulong sa banwa sang Dingle agud magbisita sa ila napatay nga himata apang bangud sa katuyo, napiyungan ang driver nga si Teodorico Dela Cruz kabangdanan nga nakabunggo sila sa poste.
Lunsay minor nga kapilasan ang naagum sang mga biktima nga gilayon man nga nakaguwa sa ospital matapos mahatagan sang nagakaigo nga pagbulong.
Facebook Comments
