Sa interview sa DXDC RMN Davao kang PSSg. Jerel Andal, imbestigador sa Mabini Municipal Police Station, iyang gisaysay nga ang multicab gikan sa Mati City, Davao Oriental padulong sa Tagum City, Davao del Norte sa dihang nawad-an og kontrol ang sakyanan sa maong lugar. Matud sa imbestigador nga walay laing sakyanan nga nadamay sa aksidente.
“Self-inflicted to siya (nga aksidente). Wala ni siyay kabangga. Nikalit lang og ka-lose control ang vehicle mao ‘tong nahulog sa kanal,” matud sa imbestigador.
Dali usab nga gidala sa ospital ang mga sakay, diin anaa sa 14 ka mga indibidwal ang gidala sa ospital sa Pantukan, Davao de Oro nga kasamtangan karon gina-obserbahan ang sitwasyon. Padayon usab ang imbestigasyon sa insidente.
RadyoMaN Kirby Manzon
