Mamahimong mapasalamaton ang pamilya ni R-jay Cahilog, ang lalaking giingong naalaan ug napusilan-patay og pulis sa boarding house incident sa Magugpo East, Tagum City niadtong August 9, 2024 kung mahatagan og katin-awan ug hustisya ang kamatayon sa biktima.
Sa interview sa DXDC RMN Davao kang alyas Anne, kabanay ni R-jay, gibutyag niini nga sakit gihapon ang gipagulang statement sa Tagum City PNP nga midasmag ang lalaki tungod alang kanila, naduot na hinuon kini nga suspect bisan og tumong lang niini nga mu-rescue.
Samtang, muhimo usab og parallel investigation ang National Bureau of Investigation (NBI) aron palawman ang imbestigasyon sa kamatayon sa upat ka indibidwal nga mao ang duha ka babayeng boarders, sekyu nga giingong suspect ug ang nadamay nga si R-jay.
Sa karon, nadala na sa tagsa-tagsa ka pamilya ang patay nga lawas sa mga biktima.
RadyoMaN Ivy Parido
Facebook Comments
