Ivisan, Capiz – Nagdepensa ang talatapan sang Municipal Agriculturist Office(MAO) sang banwa sang Ivisan kun ngaa wala makabaton ang kadam-an sang mga rice farmer sa nasambitan nga banwa sa gin-release nga ayuda balor P5, 000 pesos halin sa Deparment Of Agriculture(DA).
Ginklaro ni Susan Villar sang Municipal Agriculturist Office, ang 63 ka mga na-releasan sang nagligad nga adlaw sang Sabado ang 1st batch pa gid lamang.
Nahibaloan nga may yara sang alokasyon nga 494 ka mga farmers ang paga-hatagan sang assistance sang Department of Agriculture kun sa diin ang 63 nga una nga nakabaton ang partial pa gid lamang bangud ini amo ang una nga na-download halin sa regional office.
Iya man nga ginpunto nga base sa ila nga masterlist, may yara sang masobra 900 ka mga mangunguma sa banwa sang Ivisan apang ang iban sa mga ini ang napaslawan nga makaparehistro sa kabangdanan nga wala ang mga ini malakip sa updated nga listahan.
Sa subong ginahulat na lamang nila ang dugang nga lista sang benepisaryo halin sa regional office sang Department of Agriculture para maka-avail sang pay-out sang assistance halin sa gobyerno.
Ginpanugyanan sini ang iban nga may yara sang pamangkotanon nga kun mahimo magpadulong sa opisina sang MAO agud ang mga ini ang masanagan.
photo(c)- Ivisan Fire Station
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
