Davao City – Karong adlawa (June 15, 2020) nakatakdang ipasaka ang kasong kalapasan sa R.A 9165 (Comprehensive Dangerous Drugs Act Of 2002) batok sa usa ka Municipal Councilor sa lungsod sa Kiblawan, Davao Del Sur human naaresto tungod sa iligal nga droga.
Giila sa Davao City Police Office ang konsehal nga gikunsiderang high value target nga si Cipriano Ponce Sarona, 53 anyos, ug laing duha nga sila Butch Amarillo, contractual driver sa nasangpit nga lungsod ug usa ka mango harvester Archie Truya, 31 anyos, residente sa Brgy.Los Amigos, Tugbok, syudad sa Davao.
Kahinumdoman nga nadakpan ang mga nasangpit niadtong adlawng sabado (June 13, 2020) sa gilusad nga buy bust operation sa mga personahe sa San Pedro PNP.
Nasakpan niadtong tungora nga nag-pot session ang mga suspek sa may Larayan 2000 Bankerohan, Brgy.6-A, ning syudad.
Dugang sa report, narekober sa kapulisan gikan kang Sarona ang mga pakete sa gituohang shabu ug illegal drugs paraphernalia.
RadyoMaN Don Pulayao
