TACLOBAN CITY – Mayada na person of interest an mga kapulisan ha pagpatay kan Antonio Abris, an Municipal Councilor han Mercedes, Eastern Samar.
Ha press conference nga gindumara ha Police Regional Office 8, sumala kan PCInsp. Manuel Nayad, Chief Of Police han Mercedes, ginmamanmanan na nira an usa nga person of interest hini nga krimen.
“With regards to the identity sa gunman, mayron kaming person of interest na pina-follow up ng ating mga imbistigador pro hindi pa namin pwedeng i-divulge ang identity nito.”
Ha pagka-yana, waray pa nagawas ha imbistigasyon han mga otoridad kun politika, personal o trabaho an rason kun kayano iginkakaparatay hi Abris.
Dugang ha pamahayag ni Nayad, waray pa liwat nalutaw nga witness para mas magin madali an ira pag-imbistigar.
“Sa ngayon, wala pa tayong witness na mag-eexecute ng affidavit para magsabi kung ano talaga ang motibo sa pagbaril kay konsehal.”
“Kaya hindi ko pa masabi kung politically motivated ba itong pagpatay sa kanya.”
Waray man daw liwat death treaths nga nakakarawat an konsehal.
Ha pagka-yana naniniguro an mga kapulisan nga masolbar ini nga krimen ngan madakop kun hin-o man an suspek.
Mahihinumduman nga ginpabuthan hin pusil hi konsehal Antonio Abris dida han Agusto 25 han nakalabay nga bulan.
Umatinder hin fiesta hi Abris ngan didto hiya gintambangan.
