Munisipyo sang Jamindan, nakakumpleto na sang mga requirements para sa release sang FY 2020 Local Government Support Fund (LGSF)-Assistance to Municipalities (AM)!

38

Jamindan, Capiz- Nakumpleto na sang banwa sang Jamindan ang mga requirements para sa pag-release sang FY 2020 Local Government Support Fund (LGSF)-Assistance to Municipalities (AM) sang DILG.
Bangud sini, magabaton ang munisipyo sang Jamindan sang P8, 257, 000 pesos nga pondo para sa 2020 Local Government Support Fund (LGSF)-Assistance to Municipalities Program sang amu nga ahensya.
Ang nasambitan nga pondo suno kay Jamindan Mayor Mac valdemar ang downloaded na sa LGU trust fund sang nakaligad nga semana.
Ini ang gin-alokar para sa pag-upgrade sang dalan padulong sa Portland Cement Concrete Pavement sa may bahin sang Sitio Agpugdaw, Barangay Esperanza, Jamindan lapos sa Eco Center, Livestock Farm, kag Agriculture Demo Farm sang LGU Jamindan.
Gina-ekspektar nga maumpisahan na ang nasambitan nga proyekto subong nga tuig 2020.
Madumdoman nga maluwas sa banwa sang Jamindan, una na nga nakakumpleto ang kabanwahanan sang Dumarao kag Tapaz sang mga requirements para sa pag-release sang FY 2020 Local Government Support Fund (LGSF)-Assistance to Municipalities.

Facebook Comments