Matapos nasungkit ng senior student na si Mhico Aish A. Cortel ang gintong medalya sa kategoryang Solo Color Guard Male Senior Class sa katatapos na Asian Music Games 2023 ay ipinagmalaki ito ng Muntinlupa City government.
Ang Asian Music Games na flagship event ng Asian Marching Band Confederation na isa sa pinakamalaking Music at Visual competition sa Asia ay ginanap sa Jember, East Java, Indonesia.
Si Mhico, o Mhics sa tawag ng kanyang mga kaibigan, ay tubong Barangay Poblacion at kasalukuyang senior student sa Tunasan National High school.
Miyembro din siya ng Saint Joseph Band 98, Flag Arts, at Sandugo Drum & Lyre Corps.
Sa panayam kay Mhico, nai-kwento niyang siya ay isang musician at simula noong 2016 ay miyembro na siya ng banda gamit ang instrumentong lyre o xylophone at kalaunan ay trombone.
