Mural painting ni Senador Manny Pacquiao sa pader sa Villareal Stadium, makabig nga vandalism suno sa Sports and Business Consultant sang probinsya!

413

Roxas City, Capiz – Ginpanindugan ni Sports and Business Consultant Mrs Carmen Andrade nga makabig nga vandalism ang ginhimo pagpinta sang nawong ni Senador Manny Pacquiao sa pader sang Villareal Stadium.

Ini bangud suno sa iya wala naglisensiya sa provincial government ang nagpanguna sa pagpinta diri nga amo ang SK chairman sang Brgy Tiza nga si Dennis Andrie Obera.

Ginkumpirmar man ni Andrade nga sang nakaligad nga bulan sang Pebrero nagpadulong sa iya opisina sanday Obera para sa nasambitan nga proyekto sang Sangguniang Kabataan kun sa diin ginplastar snag mga ini ang luyag nila nga proyekto nga pintahan ang pader nga nagapalibot sa Villareal Stadium kag ini ang ipaage sa isa ka contest.


Nahisugtan nga kinahanglan anay aprobahan kun anu nga mga desinyo ang dapat nga ipinta sa concrete fence.

Apang matapos ang eleksyon ginkakibot na gid lamang ni Andrade nga may yara na sang mural painting ni Pacquiao sa pader.

Suno pa kay Andrade, nangin “factual” gid lamang siya bangud kasubong nga malisyoso ang amo nga pagpinta tatlo ka adlaw matapos ang eleksyon sa pihak nga wala ang mga ini makabalik sa iya para i-presentar ang mga desinyo.



Sa mahibaluan nga si Senador Manny Pacquiao amo ang nag-endorso kay Governor-elect Nonoy Contreras.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments