CAUAYAN CITY — DAGSA NA ANG ILANG CAUAYEÑOS SA ISANG PRIVATE CEMETERY SA LUNGSOD UPANG DALAWIN ANG KANILANG MGA YUMAONG MAHAL SA BUHAY.
SA PANAYAM NG IFM CAUAYAN NEWS TEAM KAY GINANG CONSOLACION PACHECO, SINABI NIYANG MAS PINILI NILANG DUMALAW NANG MAAGA UPANG MAIWASAN ANG SIKSIKAN TUWING UNDAS.
ANIYA, PAGLILINIS MUNA ANG KANILANG GINAWA UPANG MAGING PURO “REUNION” NA LAMANG ANG KANILANG AKTIBIDAD NGAYONG ARAW NG MGA PATAY.
DAGDAG PA NI GINANG PACHECO, NAGSISILBI NA RING FAMILY REUNION ANG UNDAS PARA SA KANILANG PAMILYA DAHIL ITO ANG TANGING PAGKAKATAON NA NAGKAKASAMA-SAMA SILA.
SAMANTALA, SA LABAS NAMAN NG SEMENTERYO, ABALA NA RIN ANG BENTAHAN NG MGA KANDILA, BULAKLAK, AT IBA PANG PALAMUTI SA PUNTOD.
AYON KAY VILMA FERNANDEZ, ISA SA MGA NAGTITINDA NG BULAKLAK, MURANG PRESYO NG KANYANG PANINDA ANG KANILANG BENTAHE KUMPARA SA IBA.
IBINAHAGI RIN NIYA NA A-TRENTA PA LAMANG AY NAKAPWESTO NA SILA UPANG MAS MAAGA SILANG MAKAPAGSIMULA NG PAGBEBENTA AT MASULIT ANG DAMI NG BUMIBISITA.
