Maga pulis del Central Police Station bajo con Chief Insp. Elmer Solon ay man inquest ya na fiscalia con 4 maga persona quien alegaomente ya mata brutalmente con un mojer na Baliwasan Interior del Domingo madrogada.
Ya puede ya tambien conose con el victima como si Fajida Ebing y Kahbong, 40, de Baliwasan Tabuk.
Mismo asegun maga pamiliares del del victima amo ya conose con el cadaver na un poneraria.
Asegun con Solon caso de murder amo cosa sila somete na fiscalia junto con el 4 maga suspechao nombrao como canda Al Hussein Ammad, 35, Najar Abubakar, 21, Joel Cancio, 23 y si Rolando Bais.
Egual tambien caso que ay planta con el dos otro largao canda Alpacino Indanan, 27 y si Aljun Amil.
El maga suspechao ya mata y ya amara pa con el victima del Domingo madroga despues sila ya suspecha como u “asset” del pulis si Ebing.
