Davao City- Kasong murder ang giduso batok sa usa ka lalaking suspek sa pagpatay kang kanhi Barangay Captain Roderico “Tata” Llubit.
Sa eksklusibong interbyu sa DXDC RMN Davao kang Davao City Police Office City Director Police Col. Kirby John Kraft, murder case ang giduso sa Task Force sa City Prosecutor’s Office. Gibutyag ni Kraft, land dispute ang anggulo sa pagpatay sa kapitan.
“May series of meetings si Kapitan (Llubit) doon sa nag-claim sa membership doon sa lupa, kung saan nagkainitan pa ayon doon sa mga witness. Ini-insist nila na bayaran iyong renta sa mga nag-o-occupy doon,” sumala niini.
Matud ni Kraft, nakatutok ang tracker team sa maong suspetsado. Sumala niini, ang suspek kaniadto usa ka Children in Conflict with the Law (CICL).
Nagpabiling naka-detail ang kapulisan sa nahibiling pamilya ni Llubit alang sa proteksyon ug seguridad, samtang nagpaabot nga maangkon ang hustisya.
RadyoMaN Aimee Guinita
