Davao City – Banang mipusil ug mitigbas sa lalaking nagpaangkas sa motorsiklo sa iyang asawa gipasakaan na og kaso sa kapolisan sa Calinan.
Kasong Frustrated Murder ang gipasaka batok kang Ramel Nuñes, hingkod ang edad, nagpuyo sa Purok 27, Brgy.Inayangan, Calinan syudad sa Davao.
Kahinumdoman niadtong milabay’ng adlaw, alas 9:00 ang takna sa buntag gipusil ug gitigbas ni Nuñes ang usa ka Hermie Pasculado, hamtong ang pangidaron ug residente sa nasampit nga lugar, tungod sa selos.
Sumala pa nagselos ang bana kang Pasculado sa pagtoo nga duna silay relasyon sa iyang asawa human gipasakay sa motorsiklo.
Subay sa record sa Calinan PNP, wala ka pugong ang bana diin iyang gipusil ang biktima apan wala mibuto ang pusil hinungdang gitigbas igo sa nagkadaiyang parte sa lawas. Human sa insidente si Nuñes milayas samtang si Pasculado padayong gitambalan sa hospital sa Calinan.
RadyoMaN Don Pulayao
