Davao City – Na-file na ang kasong frustrated murder batok sa suspect nga si Ernesto Villacarlos, 67 anyos, usa ka mag uuma, nagpuyo sa Southbay Brgy. Lapulapu Agdao siyudad sa Davao.
Kahidumdoman niadtong milabayng adlaw alas 8:00 sa buntag human nanigbas ang suspitsado sa usa ka estudyante nga nailang Juvanie Caballero, 22 anyos, nagpuyo sa Purok 7 Sta. Catalina sakop sa maong barangay.
Sa imbestigasyon ni Police Officer 1 Roldan Balbini sa Sta. Ana PNP, nagbaklay ang biktima kauban ang iyang mga barkada apan pag-abot sa maong lugar igo lang milabay ug kalit giduol sa suspetsado dayon tigbas sa makadaghang higayon sa ulo nga bahin.
Ang biktima padayong gitambalan sa Southern Philippines Midecal Center (SPMC) ug gina-obserbahan pa sa mga attending physician ang sitwasyon sa biktima.
Ninggula sa imbestigasyon sa Sta. Ana PNP nga ang motibo sa pagpnigbas mao ang paghilabot sa biktima sa tanum sa suspect nga kamunggay ug alugbati.
Samtang ang suspect preso na Sta. Ana PNP.
RadyoMaN Don Pulayao
